សូមប្រយ័ត្ន! ជាមួយនឹងបញ្ហាទាំង៤នេះ បើវាឡើងខ្មៅ គឺមានន័យថា សុខភាពអ្នកចុះខ្សោយខ្លាំង ក៏ជាសញ្ញានៃងាយុខ្លីផងដែរ

ប្រសិនបើអ្នកសម្គាល់ឃើញថា ផ្នែកទាំង ៤ នៃរាងកាយរបស់អ្នក ប្រែទៅជាខ្មៅខុសពីធម្មតា សូមប្រយ័ត្នឱ្យមែនទែន ព្រោះនេះគឺជាសញ្ញាដែលចង់បង្ហាញថា រាងកាយរបស់អ្នក កំពុងតែចុះខ្សោយជាលំដាប់ ហើយវាក៏ជាសញ្ញានៃអាយុខ្លីផងដែរ។

១. បបូរមាត់ឡើងខ្មៅ

បបូរមាត់របស់មនុស្សដែលមានសុខភាពល្អ ជាធម្មតាមានពណ៌ផ្កាឈូក ភ្លឺ។ ប្រសិនបើបេះដូងរបស់អ្នកមានបញ្ហា អ្នកនឹងឃើញបបូរមាត់របស់អ្នកឡើងខ្មៅស្រអាប់ជាងមុន។ នេះក៏ជាបាតុភូតមួយដែលបង្ហាញថា ឈាមនៅទ្រឹងនៅក្នុងរាងកាយ ជារឿយៗត្រូវបានអមដោយអារម្មណ៍តានតឹងនៅក្នុងទ្រូង និងឈឺចាប់សព្វរាងកាយ។

Screen Shot 2021 08 02 At 10.33.13 AM

២. ស្បែកឡើងខ្មៅ

ថ្លើមគឺជាសរីរាង្គបន្សាបជាតិពុលដ៏ធំបំផុតរបស់រាងកាយ នៅពេលដែលថ្លើមខូចវានឹងប៉ះពាល់ដល់ផ្នែកជាច្រើននៃរាងកាយ និងធ្វើឱ្យអ្នកពិបាករស់នៅក្នុងជីវិតដែលមានសុខភាពល្អ។

ប្រសិនបើស្បែករបស់អ្នកឡើងខ្មៅលឿង ប្រផេះ ឬខ្មៅស្រអាប់ វាគឺជាសញ្ញាមួយដែលបង្ហាញថា ថ្លើមរបស់អ្នក ស្ថិតក្នុងស្ថានភាពអាក្រក់ខ្លាំងណាស់ នៅពេលអ្នកសង្កេតឃើញថាស្បែកអ្នកខ្មៅស្រអាប់ មុខរបស់អ្នកមិនស្អាត មិនភ្លឺថ្លា អ្នកទំនងជាមានជំងឺក្រិនថ្លើម ឬរលាកថ្លើម។

Screen Shot 2021 08 02 At 10.33.17 AM

៣. ពោះវៀនខ្មៅ

ប្រសិនបើសរីរាង្គខាងក្នុងមានសុខភាពល្អ មនុស្សនឹងមិនសូវឈឺច្រើនទេ។ ប្រសិនបើអ្នកចង់រស់នៅបានយូរ អ្នកត្រូវតែធានាថាពោះវៀនរបស់អ្នកតែងតែស្អាត និងមានសុខភាពល្អ។ ទោះយ៉ាងណាក៏ដោយ ប្រសិនបើអ្នកមិនទទួលទានសារធាតុចិញ្ចឹមគ្រប់គ្រាន់ វាងាយនឹងធ្វើឱ្យរាងកាយអ្នកទល់លាមកក្នុងរយៈពេលយូរ។ នេះនឹងធ្វើឱ្យពោះវៀនប្រែជាខ្មៅបន្តិចម្តងៗ ហើយថែមទាំងបណ្តាលឱ្យអ្នកមានលាមកហូរឈាម ឬខ្មៅទៀតផង។

នៅពេលនេះ សូមយកចិត្តទុកដាក់ចំពោះការលេបថ្នាំ និងរកវិធីព្យាបាលការទល់លាមកដែលអ្នកកំពុងជួបប្រទះ ដើម្បីធ្វើឱ្យស្ថានភាពពោះវៀនខ្មៅមានភាពប្រសើរឡើង។


Screen Shot 2021 08 02 At 10.33.22 AM

៤. សួតខ្មៅ

មិនត្រឹមតែពោះវៀនខ្មៅប៉ុណ្ណោះទេ សួតខ្មៅក៏ជាបញ្ហាដែលអ្នកត្រូវយកចិត្តទុកដាក់ផងដែរ។ មនុស្សជាច្រើនប្រើសួតរបស់ពួកគេជាសសរស្តម្ភ ដើម្បីដឹងថាតើអាយុកាលរបស់ពួកគេនឹងមានរយៈពេលប៉ុន្មាន? សួតល្អ ឬមិនល្អអាស្រ័យលើសមត្ថភាពសួត ហើយភាពស្អាតនៃសួតមានពណ៌ខ្មៅ ឬអត់។

អ្នកដែលជក់បារីយូរ អ្នកដែលប្រឈមនឹងឧស្ម័នដែលបង្កគ្រោះថ្នាក់ក្នុងរយៈពេលយូរ គឺមានហានិភ័យខ្ពស់ចំពោះបញ្ហាសួតខ្មៅខ្លាំងណាស់។ នេះនឹងប៉ះពាល់ដល់សុខភាពសួត ធ្វើឱ្យសុខភាពធ្លាក់ចុះ និងប៉ះពាល់ដោយផ្ទាល់ដល់អាយុជីវិតផងដែរ។

៥. វិធីដើម្បីបង្កើនអាយុវែង និងមានសុខភាពល្អ

- បរិភោគតាមបែបវិទ្យាសាស្ត្រកុំរំលងអាហារទាំង៣ពេល ជាពិសេស គឺអាហារពេលព្រឹក

- ធ្វើលំហាត់ប្រាណឱ្យបានទៀងទាត់

- រក្សាអនាម័យរាងកាយ

- កុំជក់បារី កុំផឹកស្រា

- ផឹកទឹកឱ្យបានច្រើន

- ធ្វើសមាធិ ឬហាត់យូហ្គា

- រស់នៅសុទិដ្ឋិនិយម រីករាយ៕

ប្រភព ៖ Phunutoday / Knongsrok