ត្រឹមមួយខែ ដែលអ្នកមិនញុំាកាហ្វេ ឬតែទឹកដោះគោ ដោយញុំាតែទឹកធម្មតា អ្នកនឹងឃើញភាពខុសប្លែកយ៉ាងខ្លាំង ចំពោះសុខភាព និងរាងកាយ

សាកល្បងផ្អាកញុំាកាហ្វេត្រឹមតែមួយខែ ប្រសិនបើអ្នកអាចធ្វើបាន អ្នកនឹងទទួលបានប្រសិទ្ធិភាពល្អៗជាច្រើនសម្រាប់សុខភាព និងរាងកាយរបស់អ្នក។ ដូច្នេះខាងក្រោមនេះ គឺជាអត្ថប្រយោជន៍ដែលអ្នកនឹងទទួលបានពីការផ្អាកញុំាកាហ្វេក្នុងរយៈពេលមួយខែ។

១. កាត់បន្ថយកាឡូរី

តែផ្អែមធម្មតាមួយកែវអាចបន្ថែមដល់ទៅ ៣០ កាឡូរី។ ចំនួននេះ អាចខ្ពស់ជាងនេះ បើអ្នកផឹកតែទឹកដោះគោ។ កូកាកូឡាកំប៉ុង ជាធម្មតាក៏មានផ្ទុករហូតដល់ ២១០ កាឡូរីផងដែរ។ ទន្ទឹមនឹងនេះដែរ កាហ្វេម៉ាកាមួយកែវមានប្រហែល ២៥០ កាឡូរី។

ចុះយ៉ាងណាចំពោះទឹកធម្មតា? វាមិនមានកាឡូរីទេ។ ប្រសិនបើអ្នកជំនួសភេសជ្ជៈទាំងអស់ដូចជាតែទឹកដោះគោ កាហ្វេ ភេសជ្ជៈកាបូន ... ដោយប្ដូរមកញុំាត្រឹមតែទឹកសុទ្ធធម្មតា អ្នកអាចកាត់បន្ថយជាមធ្យម ៤០០ កាឡូរី។

Screen Shot 2021 07 29 At 8.15.28 PM

២. កាត់បន្ថយការឃ្លានជាប្រចាំ

ភេសជ្ជៈដែលមានជាតិស្ករ នឹងធ្វើឱ្យអ្នកស្ថិតក្នុងវដ្តដ៏កាចសាហាវមួយ គឺការទទួលទានជាតិស្ករ ការឃ្លានបង្អែម និងការបន្តទទួលទានជាតិស្ករបន្ថែមទៀត។ ជំនួសដោយទឹកធម្មតា ការទទួលទានទឹក នឹងជួយអ្នកកាត់បន្ថយការឃ្លានអាហារបានច្រើន។

៣. ខួរក្បាលដំណើរការល្អជាងមុន

ខួរក្បាលមានទឹក ៧៥-៨៥% ។ ដូច្នេះការរក្សាទឹកឱ្យបានគ្រប់គ្រាន់សម្រាប់រាងកាយ គឺជាកត្តាសំខាន់សម្រាប់ខួរក្បាលធ្វើការប្រកបដោយប្រសិទ្ធភាព។ ការទទួលទានទឹកគ្រប់គ្រាន់ នឹងជួយបង្កើនការយកចិត្តទុកដាក់ និងការផ្តោតអារម្មណ៍។

Screen Shot 2021 07 29 At 8.15.33 PM


៤. បង្កើនការរំលាយអាហារ

រឿងដំបូងដែលអ្នកគួរធ្វើបន្ទាប់ពីភ្ញាក់ពីគេងពេលព្រឹក គឺលាងជម្រះមាត់ និងផឹកទឹកក្តៅមួយកែវ។ វានឹងជួយជម្រុញការរំលាយអាហាររបស់រាងកាយ។ អ្នកវិទ្យាសាស្ត្របានបង្ហាញថា ការទទួលទានទឹក ៥០០ មល អាចបង្កើនអត្រាមេតាប៉ូលីសក្នុងខ្លួនបាន ៣០% ។

៥. ស្បែកកាន់តែភ្លឺ និងស្រស់ស្អាត

នៅពេលអ្នកឈប់ប្រើភេសជ្ជៈដែលមានជាតិស្ករ ហើយគ្រាន់តែប្រើទឹកអ្នកនឹងឃើញអព្ភូតហេតុកើតឡើងលើស្បែករបស់អ្នក។ ភេសជ្ជៈដែលមានជាតិស្ករបង្កើនល្បឿនដំណើរការនៃភាពចាស់ ធ្វើឱ្យជាលិកាបាត់បង់ការបត់បែន និងបង្កើតស្នាមជ្រួញ។ យ៉ាងណាមិញ ការទទួលទានទឹកធម្មតា គឺវាខុសប្លែកទាំងស្រុង វាក៏ផ្តល់នូវសំណើមចាំបាច់ដើម្បីឱ្យស្បែករលោង។

Screen Shot 2021 07 29 At 8.15.39 PM

៦. ល្អសម្រាប់បំពង់រំលាយអាហារ

ផឹកទឹកឱ្យបានគ្រប់គ្រាន់ រួមផ្សំជាមួយនឹងរបបអាហារដែលសម្បូរជាតិសរសៃ ប្រព័ន្ធរំលាយអាហាររបស់អ្នក នឹងដំណើរការកាន់តែមានប្រសិទ្ធភាព។

៧. ល្អសម្រាប់បេះដូង

នៅពេលរាងកាយខ្វះជាតិទឹក ឈាមកាន់តែក្រាស់។ នៅពេលនេះបេះដូងត្រូវធ្វើការយ៉ាងខ្លាំង ដើម្បីបូមឈាមទូទាំងរាងកាយ។ ការសិក្សាមួយបានរកឃើញថា ការផឹកទឹកច្រើនជាង ៥ កែវក្នុងមួយថ្ងៃ អាចកាត់បន្ថយហានិភ័យនៃជំងឺគាំងបេះដូងបាន ៤១% បើប្រៀបធៀបទៅនឹងការទទួលទានទឹកតិចជាង ២ កែវ៕

ប្រភព ៖ Phunutoday / Knongsrok